Бредли Купер шармира од страниците на машкото списание „GQ“. За фотосесијата 38-годишниот актер носи дизајнерски креации од Том Форд, Луј Витон, Ралф Лорен и Џорџо Армани.
Во последниве неколку години Купер соработува со некои од највлијателните лица во Холивуд. Филмот „Silver Linings Playbook“ му донесе и номинација за Оскар. Денес Купер е благодарен за сè што има во животот, а особено што успеал да се оттргне од канџите на дрогата и алкохолот.
Кога имал 29 години му станало јасно дека ако не ги оттурне пороците, ќе си го упропасти животот. „Ако продолжев, ќе го саботирав целиот свој живот“ – рекол тој во интервју за списанието.
Моментално е актуелен новиот филм на Бредли, „American Hustle“, кој е одлично примен од критичарите.