Пред неколку недели во одредени продавници на H&M настана тотален хаос. Модните ентузијастки од цел свет со часови чекаа за да можат да стигнат барем до едно парче од модната соработка на Версаче со шведскиот бренд. Колекцијата беше распродадена за само 24 часа.
По огромниот успех, Донатела Версаче ја продлабочи соработката со H&M со уште една колекција. Новата „Cruise“ колекција само што беше објавена на сајтот на британскиот Вог.
Колекцијата вклучува фустани, маички, кратки панталони, сандали, балетанки, костими за капење и модни додатоци во летни бои и овошни принтови. Новите креации ќе бидат пуштени во продажба на 19 јануари, и тоа само онлајн.
