Британското кралско семејство ја заврши осумдневната турнеја во Канада. Војвотката Кетрин, принцот Вилијам и нивните две деца одлетаа за Лондон од пристаништето во Викторија.
За време на нивното последно појавување пред канадската јавност, Кетрин изгледаше беспрекорно во палто од Кетрин Вокер, кој ѝ беше омилен бренд на принцезата Дијана. На десната страна таа повторно го носеше дијамантскиот брош во форма на јаворов лист, што е национален симбол на Канада. Својот стајлинг, шармантната сопруга на принцот Вилијам го надополни со чевли од Ел Кеј Бенет.
Малата принцеза Шарлот и малиот принц Џорџ носеа комбинации кои координирано вклучуваа бордо боја.
