Војвотката Кетрин зрачеше со кралска префинетост на синоќешниот дипломатски прием организиран од кралицата Елизабета II.
За свеченоста во Бакингемската палата, 37-годишната сопруга на принцот Вилијам избра кадифена креација од Александар Меквин и сребрен накит, кои ѝ припаѓа на кралицата. Големо внимание привлекуваше тијарата „Cambridge Lover’s Knot“, која ѝ беше омилена на принцезата Дијана.
На свеченоста беа и принцот Вилијам, принцот Чарлс и војвотката Камила. Кралицата беше облечена во бел фустан од Ангела Кели, а на главата ја носеше тијарата „Grand Duchess Vladimir“.
