Елтон Џон и Дејвид Фурниш ги отворија вратите од својот дом во Беверли Хилс за „Architectural Digest“.
Познатиот пар ја покажа модерната куќа во која живее заедно со двете деца – двегодишниот Закари и едномесечниот Елајџа, родени од мајка сурогат. Прекрасниот дом е дизајниран од нивниот долгогодишен пријател Мартин Лоренс Булард.
Елтон и Дејвид ја купија куќата минатата година за 7,2 милиони долари, откако се заљубиле во неа на прв поглед. „Се сеќавам на моментот кога стигнав до влезната врата и реков: Совршена е“ – признал Елтон.
Како и во многуте други имоти кои ги поседува познатиот пејач, и во куќата во Беверли Хилс сè се врти околу уметноста. Посебно место во домот заземаат делата на Кит Харинг и Демиен Хирст и фотографиите на Ричард Калдикот. „Се фокусираме на работите кои се колоритни и позитивни и го прославуваат животот“ – рекол Фурниш.
Парот има куќи и во Атланта, Лондон, Ница и Венеција.