Џон Галијано сè уште не доби свој наследник на должноста креативен директор на Диор, но неговиот долгогодишен помошник Бил Гајтен успешно ја предводи француската модна куќа.
Модните критичари одлично ја примија неговата најнова колекција презентирана во рамките на Париската недела на високата мода. По минатогодишните мешани критики, Бил оваа година може да здивне и да ужива во комплиментите.
„Моделите исто како да беа излезени од Mad Men. Тоа беше сосема спротивно на фантазијата на Џон Галијано. Беше многу носливо“ – изјавила Александра Шулман по завршувањето на шоуто.
Фини слоеви на свила редени на начин што потсетуваше на меки облаци потскокнуваа на модната писта, додека црните „крокодилски“ креации блескаа на телата на манекенките.
Гајтен ја интензивира елегантноста на ретро женствените креации од 50-тите години за да создаде облека во која жените би сакале да инвестираат. Грандиозните тоалети во црвено и црно беа совршен шлаг на тортата на Гајтен.
На првиот ред во публиката беа Камерон Дијаз и Бар Рафаели.
Камерон Дијаз и Бар Рафаели