Ноншалантна леснотија преовладува низ новите модели на „H&M“. Летната колекција на шведскиот бренд ги става во преден план разиграните принтови и развеаните материјали, кои ѝ овозможуваат на кожата слободно да дише под силните сончеви зраци.
Зелени и тиркизни нијанси се мешаат со кралската сина боја, а притоа ја разбиваат монотонијата на црно-белата класика. Разиграни макси фустани, лесни комбинезони, кратки панталони, здолништа и фустани го најавуваат жешкото лето.
Колекцијата е презентирана од Фрида Густавсон и Емануела де Паула.
