Шведскиот бренд H&M со гордост најави дека оваа година ќе соработува со Версаче, една од најпопуларните модни куќи.
„Јас сум пресреќна што ќе соработувам со H&M и што ќе имам можност да допрам до нивната голема публика. Колекцијата ќе биде типична Версаче, совршена за фановите на H&M и Версаче“ – изјавила Донатела Версаче.
Донатела Версаче во фустан од новата колекција во соработка со H&M
Колекцијата ќе вклучува женска и машка облека и ќе биде достапна од ноември 2011 во 300 продавници на H&M низ светот. Во женската колекција ќе доминираат фустани од кожа украсена со метални детали, свила и колоритен принт, а исто така се очекува да видиме обувки со високи потпетици и интересен накит.
H&M успеа уште еднаш ги израдува модните зависнички кои преку ваквите возбудливи соработки успеваат за релативно малку пари да стигнат до дизајнерски парчиња облека. Претходно H&M соработуваше со Карл Лагерфелд, Стела Мекартни, Џими Чу и Ланвин. Сите тие колекции беа вистински модни погодоци.
На фотографиите можете да видите дел од она што го подготвуваат дизајнерите на Версаче и H&M.
