Вера Ванг ги отвори вратите на својот прекрасен минималистички стаклен дом за списанието Harper's Bazaar. Во луксузната куќа која има поштенски код 90210, кралицата на невестинските фустани позираше во неколку едноставни креации и костим за капење.
Гледајќи ги фотографиите можеби ќе речевте дека се приближува до нејзиниот 50-ти роденден, но всушност тешко би погодиле дека славната дизајнерка има 62 години.
„Не сум таков тип на жена која би носела штикли со костим за капење. Да го расчистиме тоа уште сега“ – изјавила таа за списанието.
Вера Ванг е дизајнерка која не се плаши да експериментира. Во нејзината последна колекција невестински фустани немаше ниту еден бел фустан. „Го обожавам црниот невестински фустан“ – вели таа.
Што се однесува до облеката и нејзиниот плакар, Ванг признава дека нејзина најголема слабост е дизајнерот Рик Овенс. „Го сметам за уметник кој ја користи својата визија и има храброст да ја следи“ – изјавила таа.
На фотографиите може да се види луксузниот дом на Ванг уреден во модерен минималистички стил, во кој таа вели дека може да се оддалечи од реалноста и целосно да се релаксира.
