„Деликатна и дисциплинирана. Сензуална и заводлива“ – вака е опишана новата колекција невестински фустани на Вера Ванг.
Наместо на стандардна ревија, кралицата на венчаниците одлучи колекцијата пролет 2015 да ја претстави преку фотографии и видео објавени на нејзиниот сајт.
Артистичното видео насловено „Chasing Alix“ е по малку морничаво и мрачно, што не треба да биде големо изненадување, бидејќи доаѓа од дамата која обожава да креира и црни венчаници. Сепак, преслабите манекенки и непривлечната шминка некако не дозволија венчаниците да блеснат во полн сјај.
