Романтична, софистицирана, нежна... колекцијата ресорт 2017 на Marchesa на прв поглед ќе ги освои дамите кои обожаваат гламур и целат да ја акцентираат својата женственост.
Дизајнерките Џорџина Чапмен и Керен Крег, чии креации редовно мамат погледи на црвениот тепих, се инспирирале од филмот „Casino“ при креирањето на вечерните фустани.
Деликатни перја, блескави мониста, рачно изработени тродимензионални апликации и бисери се користени за збогатување на текстурата на креациите. Колекцијата е изградена врз палета сочинета воглавно од пастелни бои, но и мистични пурпурни нијанси.
