Модна бура го зафати Њујорк и во текот на осум дена околу 200 дизајнери ги обелоденија своите најнови колекции. Њујоршките писти се тресеа од одот на стотиците манекенки, а улиците беа преплавени од стилисти, уредници, фотографи, џетсетери, „it“ девојки, блогери, трендсетери...
Лежерниот стил беше најприфатен, па високите потпетици беа заменети со комфорни патики. Класичната црно-бела комбинација беше изборот на многу модни ентузијастки, но и динамичните принтови и уникатните модни додатоци добија значајна улога во новата стилска приказна на Големото јаболко.
Кијара Ферањи, Ана Винтур, Сара Џесика Паркер, Мирослава Дума, Оливија Палермо, Ана Дело Русо, Џована Батаља, Алекса Чанг и Кристина Базан беа само мал дел од славните лица чие присуство беше овековечено од фотографите за време на Њујоршката модна недела.
