Мистериозноста на Том Форд е добро позната во модниот свет. Откако му се врати на дизајнирањето на женска облека во септември минатата година, неговите колекции никогаш не се објавуваат заедно со колекциите на останатите дизајнери и токму поради таа доза на таинственост привлекуваат големо внимание.
Ексклузивно за „Вог“, Том Форд ја објави својата колекција за сезоната пролет/лето 2012, која беше прикажана за време на Лондонската недела на модата, одржана изминатиов септември. Колекцијата е исполнета со сексапил и елеганција и со класични модели.
„Мојот фокус е старомоден. Сакам да правам класична облека. Не сакам да правам тренди колекции кои се лулаат наоколу од сезона до сезона. Сакам да правам нешта кои ќе останат во женскиот плакар долго време како омилени парчиња. Па, тежнеам кон постојаност“ – изјавил Форд.
