Новата колекција свечени фустани на Pronovias е доволно елегантна и софистицирана за да ја освои секоја жена. Нежните коктел фустани од колекцијата 2014 ја истакнуваат женствената фигура и привлекуваат со суптилен гламур.
Извезените детали и префинетата чипка го збогатуваат секој модел. Низ колекцијата најмногу се застапени модерни нијанси на сината и розовата боја.
Шпанскиот бренд Pronovias е специјализиран за невестински фустани, а остварува соработка со еден од омилените женски модни креатори, Ели Сааб.
