Барбара Палвин и Дилан Спраус го изговорија судбоносното „ДА“ на интимна свеченост во Унгарија, а списанието „Вог“ ги има официјалните фотографии од нивниот свадбен албум.
За најважниот ден во нејзиниот живот, 29-годишната невеста носеше три креации.
Најпрво, поранешниот ангел на Victoria’s Secret блесна во венчаница од Vivienne Westwood, потоа се пресоблече во миди фустан од Philosophy di Lorenzo Serafini.
Третиот фустан беше избран според унгарската традиција невестата да носи црвено по полноќ, па така Палвин својот последен изглед го довери на унгарскиот бренд Mero.
„Изминатиот викенд требаше да биде интимен настан, но завршивме со 115 гости бидејќи има многу луѓе кои ги сакаме и сакавме сите да бидат таму“ – изјавила Барбара.
