Една од ѕвездите кои синоќа парадираа на црвениот тепих во Лос Анџелес по повод People’s Choice Awards, беше Софија Вергара. На манифестацијата, 44-годишната Колумбијка ја доби наградата Најдобра актерка во ТВ серија комедија, за улогата во „Modern Family“.
Модната куќа Marchesa беше заслужна за креацијата на славната актерка за големиот настан. Златно-белиот фустан, кој одлично ги истакнуваше нејзините препознатливи облини, Вергара го искомбинира со златни сандали од Кристијан Лобутин и накит од Нил Лејн.
„Многу сум почестена. Многу сум среќна што сум тука вечерва. Никогаш, ни за милиони години, не би помислила дека со овој смешен акцент, јас ќе можам да бидам дел од нешто толку успешно, толку сакано од сите вас, како што е Modern Family“ – изјави Вергара кога ја примаше наградата.
See @SofiaVergara accept her award for “Favorite Comedic TV Actress” #PCAs pic.twitter.com/umd17PSYDd
— People's Choice (@peopleschoice) January 19, 2017
Популарната актерка беше придружувана од својот син Маноло.
