Кога Јоу Пан ја запознал својата избраничка Јен Тај, тој посакал да ја има покрај себе засекогаш. Љубоморното момче веднаш смислило план да ја здебели Јен за таа повеќе да не им биде привлечна на мажите.
Атрактивната Кинескиња тежела околу 45 кг кога започнала да се состанува со Јоу, а сега, две години подоцна, изгледа непрепознатливо поради зголемената телесна тежина.
Се прашувате како Јоу успеал да ја здебели својата сакана? Тој секој ден трошел мало богатство за да ја разгалува Јен со вкусни појадоци, огромни ручеци и обемни вечери. Посесивниот 25-годишен Кинез понекогаш дури и ја будел Тај во текот на ноќта за да ѝ дава грицки.
Откако девојката целосно си го променила изгледот, Јоу решил да ја однесе нивната врска на следното ниво. Неодамна, тој ја побарал Тај за жена, а неговиот романтичен гест вклучувал огромен букет од чоколадни бонбони. Значајното прашање Јоу го поставил пред еден од омилените ресторани на парот, додека нивни пријатели држеле во рацете фотографии од јадења. Се разбира, Тај не му одолеала на предлогот и веднаш рекла „да“.
Невообичаената врска го привлече вниманието на кинеските социјални мрежи, а веста за неа подоцна се рашири низ светот. Еден од соседите на парот ја потврдил вистинитоста на приказната, велејќи: „Тешко е да се поверува колку многу се здебели Јен, но таа сè уште е убава. Таа ќе биде прекрасна невеста и сигурен сум дека ќе бидат многу среќни заедно.“