Традициите зближуваат и помагаат во креирањето на драгоцени спомени. Семејство од Сиетл веќе шест децении негува празнична традиција и го документира настанот со фотографии.
Семејството Вилсон 60 години по ред пред Божиќ се фотографира со Дедо Мраз. Традицијата започнала во далечната 1955 година, кога Скот, првото дете на Вуди и Бони, било фотографирано во скутот на Дедо Мраз.
Како што се проширувало семејството, така бројот на личности на фотографиите се зголемувал. Албумот вклучувал фотографии од тројцата браќа Скот, Мајк и Стив и од нивната сестра Венди сè до почетокот на 90-тите години, кога пред објективот застанала и сопругата на Мајк и свршеникот на Венди. Во 2001 година пред објективот застанале и г. и г-ѓа Вилсон.
Вуди, таткото на четирите деца, починал во 2012 година, еден месец по создавањето на 58. семејна фотографија. Следната година Стив облекол една од неговите јакни. „На тој начин и него го има на сликата“ – изјавил Стив.
Погледнете дел од семејниот албум на семејството Вилсон, кој може да се опише и како моден времеплов.
