Шарлиз Терон ги освои сите погледи и ги привлече сите објективи на фоторепортерите на црвениот тепих во Кан. На втората вечер на престижниот филмски фестивал, убавата Јужноафриканка се појави во впечатлива креација од Диор.
Жолтиот фустан Терон го надополни со накит од Шопард.
Веднаш до 39-годишната ѕвезда позираше нејзиниот партнер Шон Пен.
Блескавиот накит на Терон вклучуваше голем прстен за кој се шпекулира дека е свршенички. Пред неколку недели се родија гласините дека Пен ја побарал за жена атрактивната актерка, но тие не го коментираат својот приватен живот.
Проекцијата на „Mad Max: Fury Road“ во Кан привлече голем дел од екипата која го сними филмот. Имено, на премиерата присуствуваа и Том Харди, Николас Холт, Зои Кравиц и режисерот Џорџ Милер.
