Сара Џесика Паркер привлекува со изглед на модерна дама од страниците на арапското издание на „Harper’s Bazaar“.
Ѕвездата од серијата „Сексот и градот“ ја промовираше својата колекција обувки, дизајнирана со помош на Џорџ Малкемус од компанијата на Маноло Бланик.
Фотографиите од едиторијалот ги потпишува Алексеј Хеј.
Во интервјуто за списанието, Сара Џесика зборувала за своите пријателства и споделила дека не сака да изигрува детектив и постојано да испрашува. „Не сум експерт за жени, секс, состанување, романса. Јас само ја одглумив таа улога“ – вели 49-годишната актерка, алудирајќи на ликот Кери Бредшо.
Талентираната актерка, која наскоро ќе ја видиме во филмот „All Roads Lead to Rome“, коментирала и за животот со сопругот Метју Бродерик. „Горда сум на својот сопруг. Обожавам да го гледам како работи. Многу сум приврзана кон своето семејство и пресреќна сум што го создадовме овој живот заедно“ – рекла таа.
