Шакира го покажа рамниот стомак и тонираните стомачни мускули за септемвриското издание на „Self“. Згодната мајка, која го роди синчето Милан пред само седум месеци, за кратко време се врати во форма, иако по породувањето не била многу задоволна од својот изглед. „По породувањето, изгледаш како шар-пеј“ – изјавила таа во интервју за списанието.
„Вежбав зумба во текот на бременоста и тоа ми помогна да не качам премногу тежина“ – објаснила таа. По раѓањето на Милан, таа практикувала зумба пет пати неделно.
Кога станува збор за нејзиниот најомилен дел од телото, енергичната Колумбијка вели: „Доста горда сум на својот задник“.
Според Шакира, зачувувањето на позитивниот став е клучен елемент во одржувањето на линијата. „Не се опседнувам со моите недостатоци, затоа што го гледам своето тело како целина. Освен тоа, мислам дека мажите повеќе ја ценат самодовербата отколку совршенството“ – рекла таа.
