Романтика и елеганција се преплетуваат во новите венчаници на Жорж Хобеика. Раскошниот волумен на здолништата, неодоливите детали, деликатните материјали и прецизната изработка резултираат со префинети модели во кои би се заљубила секоја идна невеста.
Либанскиот дизајнер, кој стигна до срцата на многу славни дами како Џенифер Лопез и Ева Лонгорија, се придржува до традиционалните силуети кои ја истакнуваат убавината на женската фигура.
Класичната снежно бела боја која се асоцира со невиност, искреност и педантност зрачи од секоја венчаница од колекцијата за 2014 година.
