Ријана го остави провокативниот имиџ зад себе за да го промовира своето партнерство со MAC Cosmetics. 25-годишната пејачка неодамна создаде своја колекција шминки за MAC, а сега стана заштитно лице на линијата MAC Viva Glam која е со хуманитарен карактер.
Со цел да ја промовира новата соработка, Ријана беше гостинка во емисијата „Good Morning America“. Во студиото во Њујорк, Ријана се појавила облечена во женски костум со здолниште од модната куќа Шанел и обувки Маноло Бланик.
Идеално правата коса го надополни шармантниот изглед на музичката ѕвезда која во интервјуто признала дека била изненадена кога дознала дека добила Греми. „Бев шокирана... Тоа беше особено емотивен момент“ – рекла таа.
Во интервјуто Ријана објаснила дека сите приходи од продажбата на карминот и сјајот за усни од линијата MAC Viva Glam ќе бидат донирани за потпомагање на борбата против сидата. Се очекува дека ќе бидат собрани 40 милиони долари.
Ријана со водителката Робин
Ријана со Џон Стамос
Ријана присуствувала и на пуштањето во продажба на линијата Viva Glam Rihanna во продавница на MAC во Сохо.
