Врвни дизајнери ја посочуваат како своја муза, а илјадници девојки во нејзините комбинации бараат инспирација, па Советот на модни дизајнери на Америка (CFDA) одлучи годинава да ѝ ја додели наградата „Модна икона на годината“ токму на Ријана.
Официјално славната пејачка ќе ја прими наградата за време на свечена церемонија која ќе се одржи на 2 јуни во Њујорк.
Во изминативе години меѓу модните икони кои ја добиле оваа награда се и Џони Деп (2012), Лејди Гага (2011), Кејт Мос (2005), Сара Џесика Паркер (2004) и Никол Кидман (2003).
Ријана е бестрашна кога е во прашање модата и храбро комбинира облека и модни додатоци кои навидум изгледаат неспојливи. „Таа може да нафрли комбинации кои не би успеале да си замислите дека може да ги носи некој друг и да изгледа одлично“ – вели Том Форд. „Не постои некој друг што ме возбудува повеќе од неа“ – неодамна сподели креаторот Александар Ванг.
Од нежна и елегантна до дрска и сексапилна... Ѕирнете низ некои од најсилните модни моменти на Ријана и погледнете како еволуираше нејзиниот стил.
