Кога Ријана зачекори на црвениот тепих пред музејот „Метрополитен“ во Њујорк, сите погледи беа насочени кон неа, а поточно кон нејзината екстравагантна креација.
Жолтата наметка на 27-годишната пејачка совршено се поклопуваше со темата на свеченоста „China: Through the Looking Glass“.
Дизајнот на кралската креација го потпишува кинеската дизајнерка Гуо Пеј. Фустанот бил изработен рачно од една жена и нејзе ѝ биле потребни 2 години за да го заврши.
Поради масивната наметка со крзно, Ријана не можеше да се движи без придружници.
„Не можам да се движам без помош, но си вреди. Многу го сакам овој фустан! Тој е од кинеската висока мода и е направен од Гуо Пеј. Изработен е рачно од една Кинескиња и ѝ беа потребни 2 години за да го направи. Го пронајдов онлајн. Ја истражував високата мода во Кина на интернет и го пронајдов“ – изјавила Ријана.
Жолтата креација Ријана ја надополни со обувки од Кристијан Лобутин и накит од Картие.
