Колекцијата на Balmain за модниот гигант H&M несомнено ќе биде хит. Големата врева која се крена околу колекцијата стана уште поинтензивна со синоќешната ревија во Њујорк.
Армија модели и славни лица присуствуваа на прославата организирана од Оливие Рустан, креативниот директор на Balmain. Свеченоста целеше кон обединување на модата, музиката и поп културата. Музичко изненадување беше настапот на Backstreet Boys.
„Оваа вечер беше остварување на мој сон. Енергијата и атмосферата се неверојатни“ – изјавил Рустан.
Кендал Џенер, Џиџи Хадид, Алесандра Амбросио, Алекса Чанг, Роузи Хантингтон-Вајтли, Тони Гарн, Карли Клос и Елена Перминова беа во толпата која го поддржа Рустан.
