Ријана никогаш немала проблем со разголувањето. Па, кога машкото списание „GQ“ ја побара за насловната страница на изданието посветено на мажите кои ја одбележаа годината, Ријана не се двоумеше дали да ја фрли облеката.
24-годишната ѕвезда застана пред објективот на Марио Соренти само по гаќички и патики.
Во интервјуто Ријана открила дека поради големиот успех многу луѓе ја гледаат само како продукт кој може да носи добра заработка. „Понекогаш некој ќе се погледне во мене и гледа долари. Тие гледаат бројки и гледаат продукт. Кога јас ќе се погледнам, гледам уметност. Ако не го сакав ова што го правам, тогаш би рекла дека робувам“ – изјавила таа.
На фотографиите можат да се забележат многуте тетоважи по телото на Ријана, а во интервјуто таа се пошегувала дека сакала да си го истетовира и лицето. „Тату уметникот ми рече не, нема да го направам тоа, затоа што ако се гледаш во лицето, таа ќе биде таму за да зјапа во тебе“ – рекла познатата пејачка.
Ријана присуствуваше и на забавата организирана од „GQ“ по повод изданието „Men of the Year 2012“. На свеченоста таа изгледаше прекрасно, иако носеше наједноставен црвен фустан Келвин Клајн и сандали Маноло Бланик.
Моментално Ријана е на еднонеделна турнеја низ седум различни града низ светот.