Рами Кади е ново име во високата мода. Младиот дизајнер кој израснал во татковината на Ели Сааб и Зухаир Мурад, плени со раскошните тоалети со интригантни детали извезени до совршенство.
Иако има само 26 години, Кади покажува мајсторски кројачки способности и чувство за умерена екстраваганција. Инспириран од бајките на Дизни и раскошот на Марија Антоанета, амбициозниот дизајнер креира уникатни фустани.
Букети од чипка и извезени цвеќиња совршено се слеваат едни во други, меѓу пастелните бранови од тул и други префинети ткаенини, создавајќи ја најновата бајковита колекција на Кади.
