Ели Сааб најдобро го познава женскиот копнеж за елеганција, нежност и гламур. Либанскиот дизајнер во Париз ја претстави својата колекција висока мода за сезоната есен/зима 2012-2013 и сосема заслужено доби само аплаузи и позитивни критики.
Карли Клос го отвори шоуто со црна блескава креација, а веднаш по неа беа презентирани повеќе од 40 елегантни фустани. Ревијата беше поделена во блокови од бои – црната боја го означи стартот на ревијата, а потоа следуваа нежната боја на праска и светло сини, темно тиркизни, бежови и златни нијанси.
Сааб открил дека инспирацијата за раскошната колекција ја црпел од Константинопол. „Како да е подигната од палата покрај Босфор, отоманските мотиви суптилно ја исполнуваат колекцијата со империски раскош“ – пишува тој во описот на колекцијата.
Репутацијата на Сааб ни говори дека овие креации со сигурност ќе се најдат на црвените холивудски патеки.
Невестата на Ели Сааб