И Никол Шерцингер го дополни своето резиме со титулата „модна дизајнерка“. 35-годишната пејачка денес официјално ја лансира првата модна колекција која ја креираше за британската онлајн продавница „Missguided“.
Поранешната членка на „The Pussycat Dolls“ дизајнирала 30 парчиња облека кои го рефлектираат нејзиниот личен стил на облекување. „Ги следев модните ревии и видов што ќе биде во тренд, а потоа се запрашав како би го направила тоа јас, како би сакала да изгледа и како би сакала јас да го носам“ – со овие зборови Никол накратко го објаснила процесот на дизајнирање.
Сексапилната облека вклучува многу отсечоци инспирирани од облеката која Мила Јововиќ ја носеше во „The Fifth Element“, како и мрежести детали, а доаѓа во три бои – црна, бела и мастило-сина.
Промотивните фотографии биле снимени во Лос Анџелес.
