Маноло Бланик ги освои женските срца со елегантни обувки, а сега ќе се обиде да ги шармира припадничките на понежниот пол и со вечерни чантички.
72-годишниот дизајнер ја објави својата прва колекција чанти. Станува збор за мали чантички за свечени прилики кои се изработени од свила и креп, а се декорирани со блескави кристали.
„На секоја жена ѝ треба накит – нешто многу специјално и убаво. Нема ништо поубаво од женска рака која држи предмет кој наликува на скапоцен камен“ – изјавил Бланик за WWD.
„Секогаш сум инспириран од убавите жени од минатото и сегашноста, па кога помислив да креирам колекција чанти, бев сигурен дека тоа ќе бидат вечерни чанти за жените на денешницата. Овие чанти се продолжение на некои од стиловите кај обувките кои ги сакам, бидејќи сакав да ја зачувам врската помеѓу обувките и чантите“ – рекол Бланик за британскиот „Вог“.
