„H&M“ танцува помеѓу стиловите од 60-тите и 70-тите години. Популарниот шведски бренд им дава современ изглед на клучните трендови од боемските децении.
За претстојната пролет, „H&M“ непрекинато ја збогатува својата модна понуда. Облеката од колекцијата „Groovy Grace“ е инспирирана од 70-тите години. Белата и црвената боја доминираат низ комбинациите кои привлекуваат со минималистичка елеганција.
Тони Гарн ги претстави моделите кои шармираат со цветен „хипи“ принт, риги и едноставни кроеви.
Лара Стоун е ѕвездата од кампањата „The New Neutrals“. 31-годишната манекенка позираше во комбинезони, здолништа, панталони и блузи во смирени нијанси.
