Новата колекција на италијанската модна куќа Patrizia Pepe вклучува колоритни креации со младешки дух.
Умерен сексапил обоен во впечатливи нијанси ги зачинува инспиративните комбинации кои вреди да се копираат во претстојните месеци.
Наменета за жени со изграден стил и недопирлива самодоверба, колекцијата е спој на ретро модата со ултра модерните трендови. Силуети инспирирани од женствените 50-ти години, разиграни принтови, неочекувано големи цветни модни додатоци од дрво и транспарентен PVC, металик обувки и впечатливи плик чанти работат заедно во хармонија и резултираат со урбан модернизам.
