Принцот Вилијам и неговата сопруга ја започнаа официјалната посета на Сингапур, по повод дијамантскиот јубилеј на кралицата Елизабета.
Претставниците на кралското семејство ја посетија ботаничката градина во Сингапур, каде за првпат ја видоа орхидејата во чест на починатата мајка на Вилијам, принцезата Дијана.
Кетрин и Вилијам пред орхидејата во чест на принцезата Дијана
„Жалосно“ – рекол Вилијам за фактот што Лејди Ди (која ветила дека ќе ја посети ботаничката градина) не успеала да дојде во Сингапур пред нејзината прерана смрт. „Прекрасна е“ – дополнил тој.
Парот ја виде и орхидејата „Vanda William Catherine“, именувана во нивна чест.
Кетрин и Вилијам пред орхидејата во нивна чест
Vanda William Catherine
30-годишната Кетрин носеше светло розов фустан во кимоно стил од дизајнерката Џени Пекам.
За време на посетата на Азија, парот ќе има мал романтичен одмор на приватен остров.
