Колекцијата „Чипкаста градина“ Ели Сааб ја надополни со софистицирани обувки и модни додатоци кои би ги фасцинирале и дамите со истенчен вкус.
Либанскиот дизајнер за актуелната сезона пролет/лето 2014 претстави колекција инспирирана од природата или поточно од цветните градини. Во колекцијата импресионираат боите кои потсетуваат на скапоцени камења, блескавите кристали и златните акценти.
Егзотичниот момент кај дел од елегантните обувки и чанти е доловен преку змиска кожа. Ребрестите ремчиња кај сандалите и златните ленти кај вечерните чантички зборуваат за футуристички стил, додека деликатното редење на кристали кај накитот оддава безвременски гламур.
