Лорен Конрад самоуверено чекори во модната индустрија. 27-годишната дизајнерка веќе ги претстави своите модни предлози за празничната сезона.
Без исклучок, сите модели од линијата LC се женствени и ја зачувуваат слатката елеганција карактеристична за стилот на Конрад.
Студената сезона не ја уби опсесијата на Лорен со пастелните нијанси, но исто така присутни се и модерната бордо и мастило-сина боја. Топли и удобни плетени блузи, кошули и блузи зачинети со чипкасти детали, кратки вечерни фустани и темни тесни панталони се вклучени во модерната колекција.
Колекцијата е претставена со занимливи фотографии со циркуски мотиви, а како и секогаш, модел е самата Лорен.
