Тага ја исполнувала просторијата во која била презентирана последната колекција на Оскар де ла Рента. Пред помалку од два месеца врвниот дизајнер го напушти овој свет, но неговиот бренд е подготвен да продолжи таму каде што тој беше принуден да запре.
Колекцијата pre-fall 2015 ги вклучува последните креации на кои работеше Оскар пред смртта. Дизајнерскиот процес започнал за време на ручек на Оскар со Лора Ким, која работи во неговото ателје 11 години. Ким објаснила дека за време на ручекот уживале во домати и моцарела и така се родила идејата црвената боја да добие почесно место во колекцијата. „Оскар ја сакаше бојата на домат, па имаме многу нијанси на бургундец, портокал, црвена и розова“ – рекла Ким за „WWD“.
Ведри бои, цветен принт, крзно, волуменозни здолништа, набори и пеплум, новата колекција е спој на сите елементи со кои доајенот на американската мода обожаваше да експериментира во текот на долгогодишната кариера.
Питер Копинг беше назначен на позицијата креативен директор на модната куќа Oscar de la Renta.
