Забавна, младешка, колоритна. Така можеше да се опише последната колекција на модната линија „D&G“ на светски познатите дизајнери Доменико Долче и Стефано Габана.
Познатото дизајнерско дуо реши да ѝ стави крај на младешката линија „D&G“ за да може целосно да се фокусира на нивниот примарен бренд, Dolce & Gabbana.
„За наредната сезона D&G ќе биде дел од Dolce & Gabbana, давајќи ѝ повеќе сила и енергија на нашата колекција“ – изјавиле преку соопштение двајцата дизајнери.
Модната линија „D&G“ беше создадена во 1994 година, а денес за време на Миланската недела на модата беше претставена последната колекција.
Ревијата изобилуваше со весели креации кои како да беа создадени од свилени марами во живи бои.
