Гламурот и елеганцијата отсекогаш биле вплетени во креациите на врвниот дизајнер на обувки Стјуарт Вајцман. Неговите дела ги разубавуваат стапалата на дамите кои не ни помислуваат на цената кога ги купуваат.
Новата колекција за сезоната есен/зима 2011-2012 е само продолжение на успешното мајсторство на Вајцман. Инспирирана од жената, за жената.
„Инспирацијата секогаш е жената. Но, не само една жена“ – изјавил угледниот дизајнер за својата нова колекција. Со цел да ги задоволи преференциите на различните клиентки, Стјуарт вели дека создава и невестински, и посекојдневни обувки, но и секси чевли на своите селебрити клиентки.
Блескави елементи, чипка, кожа, змиска кожа, леопардски принт, крзно... префинетите материјали се во основата на обувките на Вајцман, а разнородните силуети и модели се уште еден доказ дека овој американски дизајнер знае да ги задоволи и најпребирливите вкусови.
