Криси Морис е меѓу најперспективните нови таленти во модната индустрија. Со квалитетна изработка, интригантен дизајн и луксузни материјали, искусната креаторка создава модели за современата силна жена.
Преку своите креации Криси се обидува да го зачува италијанското мајсторство за создавање обувки, кое според неа е во процес на изумирање.
Криси дизајнира од 11-годишна возраст, нејзината прва колекција била лансирана во 2002 година, а името Криси Морис било регистрирано како бренд во 2007 година.
Колекцијата есен/зима 2011 вклучува обувки кои следат елегантни силуети. Судирот на текстури во секој од моделите и интересните детали делуваат футуристички и релевантно, па не е воопшто чудно што модните критичари сè повеќе зборуваат за креациите на Криси. Првиот модел од колекцијата (црните елегантни чизмички до глужд) го освои четвртото место во трката за најсекси обувки за 2011 година, организирана од Footwear News и Saks Fifth Avenue.
