Модната куќа Џанфранко Фере не експериментира премногу со измислувањето на екстравагантни форми и дизајни кои паѓаат в очи. Во нивната есенска колекција обувки и чанти е зачувана класиката, женствените силуети и едноставноста.
Во обувките се наѕира грациозност и луксуз, главно поради употребата на нестандардни футуристички материјали како металик кожа и сатен. Најголем дел од нив се „зачинети“ со тенка или подебела линија кожа во друга боја, обично на рабовите, со што се разбива монотонијата.
Кај чантите се забележува поголема доза на експериментирање, која се препознава во спојките на материјали различни по текстура и боја, како црна кожа и бело крзно.
