Актуелната ресорт колекција на модната куќа Диор успеа да освои само позитивни критики, иако беше изработена непосредно по отпуштањето на долгогодишниот креативен директор Џон Галијано.
Тимот на Галијано под раководство на Бил Гајтен креираше разнобојна луксузна колекција, наменета за богатите дами кои во текот на зимата можат да си дозволат да избегаат на некоја егзотична дестинација.
Обувките и чантите се колоритни, забавни и женствени, токму какви што би се очекувале од овој популарен бренд. Додека обувките имаат модерна силуета и во главно го следат трендот колор-блокинг, чантите имаат ретро шмек кој се провлекува и во формата и во малите детали со кои се декорирани.
