Џими Чу е бренд со холивудска слава, присутен на речиси секој црвен тепих. Новата колекција обувки и чанти на Џими Чу не се оддалечува од успешната формула која ги негува елеганцијата и префинетоста.
Креативната директорка Сандра Чои при дизајнирањето на новите модели се инспирирала од фотографиите на познатиот Хелмут Њутон.
„Додека цртав, не можев да ги тргнам мислите од фотографската уметност на Хелмут Њутон. Објективот на неговиот фотоапарат често застануваше на нозете и глуждовите на неговите модели. Њутон секогаш покажуваше речиси фетишистичка опсесија кон женските форми, но неговите субјекти никогаш не беа портретирани како ранливи суштества. Напротив, секој модел секогаш изгледаше силно, моќно и како да имаше целосна контрола“ – изјавила Чои.
