Колекцијата на модната куќа Кристијан Диор за сезоната пролет/лето 2011 собира сè повеќе обожавателки и не е тешко да се види зошто.
Дизајнерот Џон Галијано истурил голем дел од својата креативност и генијалност во секој модел. Користејќи живи весели бои и интересни украси од пердуви и сатенски ленти, Галијано создаде колекција по која лудуваат сите зависнички од мода.
Познатиот дизајнер, кој неодамна беше отпуштен од модната куќа Диор, создаде голем број на прекрасни сандали на висока потпетица, чизмички до глужд, како и многу ниски сандали и балеринки. Сите модели се забавни и интересни и во согласност со последните модни трендови.
