Веќе една деценија Брајан Етвуд го освојува модниот свет со секоја своја колекција уникатни обувки, па најверојатно и во наредната сезона многу модели од неговата нова колекција ќе се појават на црвените патеки низ Холивуд.
Колекцијата на Етвуд за сезоната есен/зима 2011 може да се нарече истовремено и елегантна и егзотична и рок. Мешајќи различни стилови, познатиот дизајнер создаде една современа и впечатлива колекција исполнета со животински принтови и бодликави детали.
Некои модели се екстремни и егзотични, а други се покласични, но секој од нив ја покажува несекојдневната способност на Етвуд да создава обувки со современ изглед кои привлекуваат погледи кон стапалата.
