Омилениот женски дизајнер на обувки малку по малку ја открива својата нова колекција за сезоната пролет/лето 2014.
Кристијан Лобутин непрекинато добива комплименти за неговите креации кои се нарекувани уметнички дела и не е тешко да се види зошто е тоа така. За идната топла сезона францускиот дизајнер погледна на посветлата страна на животот и се насочи кон ведри и свежи бои како тиркизна, сончево жолта, црвена и бела. Забележителна е и морнарската инспирација изразена преку сино-бели риги, додека стандардниот леопардски принт е заменет со црно-бел животински принт.
Црвениот лакиран ѓон, кој стои во темелите на брендот Лобутин, ја зголемува привлечноста на секој модел.
