Женственост, нежност и минимална доза романтизам владеат во новата колекција на Лорен Конрад за „Kohl’s“.
„Оваа колекција е за да го прегрнете топлото време. Размислувајте за бели тесни панталони, шик сандали и фустани за секоја пригода“ – вели Конрад.
28-годишната дизајнерка се насочи кон некои од најактуелните трендови – плисе, џинс, тантела и флуидни силуети кои не го ограничуваат движењето на телото. Кај накитот таа се фокусира на тенки синџирчиња кои овозможуваат слоевито комбинирање, додека кај сандалите е зачуван минималистички дизајн.
