Вера Ванг ги дизајнира венчаниците кои се сон на секоја жена, па многу невести со подлабок џеб избираат токму нејзина креација за големиот ден. За да ги задоволи и обожавателките кои не се подготвени да платат голема сума, 63-годишната креаторка ја создаде линијата White by Vera Wang, која се состои од невестински и свечени фустани по пристапни цени.
Новата колекција пролет 2013 е составена од раскошни венчаници во бела, светло розова и кремова боја, како и од коктел фустани за најважните гостинки на свадбата.
„За оваа сезона црпев инспирација од деликатната форма на цвеќињата и нивната женствена привлечност“ – објаснува Ванг.
Освен елегантни невестински фустани кои се продаваат по цена од 600 до 1.700 долари и фустани за деверуши кои чинат помалку од 200 долари, колекцијата вклучува и модни додатоци за коса и гламурозни обувки.
