Кралска елеганција и отменост ги одбележуваат новите венчаници на Зухаир Мурад. Во колекцијата пролет/лето 2014, либанскиот дизајнер претстави невестински фустани кои изгледаат како да се излезени од белите женски соништа.
Класични силуети ја потенцираат женската фигура, додека извезените детали ја акцентираат неповторливоста на фустаните. Романтичната колекција изобилува со чипка, органза и повеќеслоен тул, кој е заслужен за раскошниот волумен.
Вештиот креатор за десет дена во Париз ќе ја прикаже и колекцијата висока мода за сезоната есен/зима 2013-2014.
