Италијанскиот бренд „Nicole“ ги остварува соништата на идните невести, секогаш нудејќи елегантни венчаници.
Новата колекција на Алесандра Ринаудо црпи инспирација од култниот филм „Breakfast at Tiffany’s“, а Одри Хепберн е музата на италијанската дизајнерка.
„Жените се комплексни души: силни, но деликатни, од една страна сензуални и провокативни, а од друга софистицирани и недопирливи. Оваа колекција ги претставува многуте карактери на протагонистката на „Breakfast at Tiffany’s“, глумена од Одри Хепберн. Одри отсекогаш беше жена со класа и елеганција, но со модерен, револуционерен допир. Фустаните од колекцијата 2015 се инспирирани од неа, но во себе го кријат и модернизмот на нашето време“ – изјавила Ринаудо.
Луксузниот момент кај венчаниците е надополнет од префинетите ткаенини како француска чипка и италијанска свила. На сите фотографии во позадина се забележуваат елементи во тиркизната нијанса карактеристична за „Tiffany & Co.“.
